کل جماعتی حریت کانفرنس آزاد کشمیر شاخ کا میر واعظ یوسف شاہ کوانکی مذہبی اور سیاسی خدمات پر خراج عقیدت
اسلام آباد 19اپریل (کے ایم ایس)
کل جماعتی حریت کانفرنس آزاد کشمیر شاخ کے اسلام آباد میں منعقدہ ایک اجلاس میں معروف کشمیری سکالر اور سیاسی رہنماء میر واعظ محمد یوسف شاہ کی آج برسی کے موقع پر انہیں انکی مذہبی، سیاسی اور سماجی خدمات پر شاندرا خراج عقیدت پیش کیا ہے ۔
کشمیر میڈیا سروس کے مطابق اجلاس کی صدارت سید فیض نقشبندی نے کی۔میر واعظ محمد یوسف شاہ کو شاندار خراج عقیدت پیش کرتے ہوئے سید فیض نقشبندی نے کہا کہ کشمیریوں کی قربانیاں رائیگاں نہیں جائیں گی۔دیگر شرکا نے عالمی برادری پر زوردیا کہ وہ مقبوضہ جموں و کشمیر میں انسانی حقوق کی سنگین خلاف ورزیاں رکوانے کے لیے بھارت پر دبائو بڑھائے ۔
ادھرحریت آزاد جموں و کشمیر کے رہنما عزیر احمد غزالی نے مظفر آباد میں ایک بیان میں اعلان کیاہے کہ بھارتی وزیراعظم نریندر مودی کے دورہ مقبوضہ جموں و کشمیر کے خلاف آزاد جموں و کشمیر کے دارالحکومت مظفرآباد میں احتجاجی مظاہرے کیے جائیں گے۔انہوں نے اس دورہ کو کشمیری عوام پر سامراجی ایجنڈا مسلط کرنے کی ایک گھنائونی سازش قرار دیا۔
