مقبوضہ جموں و کشمیر
سرینگر:نامعلوم مسلح افراد کی فائرنگ میں دو غیر کشمیری مزدور زخمی
سرینگر 22اپریل (کے ایم ایس)
بھارت کے غیر قانونی زیر قبضہ جموںوکشمیر میں سرینگر میں نامعلوم مسلح افراد کی فائرنگ میں دو غیر کشمیری مزدور زخمی ہو گئے ہیں۔
کشمیر زون پولیس نے ایک ٹویٹ میں کہاہے کہ سرینگر کے علاقے نوگام میں آج شام نامعلوم مسلح افراد کی فائرنگ میں دو غیر کشمیری مزدور زخمی ہو گئے ہیں۔ دونوں کو ہسپتال منتقل کردیاگیا ہے جہاں ان میں سے ایک کی حالت تشویشناک بتائی جاتی ہے ۔ واقعے کے فورابعد بھارتی فورسز نے علاقے کا محاصرہ کر کے تلاشی کی کارروائی شروع کی ۔
