مقبوضہ جموں و کشمیر
سوپور:آتشزدگی میں ایک مکان اور ایک مسجد خاکستر
سرینگر 25اکتوبر (کے ایم ایس)
غیر قانونی طور پر بھارت کے زیر قبضہ جموں و کشمیر میں شمالی کشمیر کے ضلع بارہمولہ کے قصبے سوپورمیں آتشزدگی سے ایک مسجد اور ایک رہائشی مکان خاکستر ہو گئے ہیں ۔
کشمیر میڈیا سروس کے مطابق آگ بجھانے کی کوششوں کے دوران فائر بریگیڈ کے دو ارکان زخمی ہوگئے۔ سوپور کے علاقے تارزوکی عزت شاہ کالونی میں آتشزدگی سے ایک دو منزلہ رہائشی مکان اور ایک مسجدجل کرخاکستر ہوگئے ۔آتشزدگی کی وجوہات جاننے کی کوشش کی جارہی ہیں ۔
واضح رہے کہ اگست2019میں مودی حکومت کی طرف سے جموں وکشمیر کی خصوصی حیثیت کی منسوخی کے بعد سے مقبوضہ علاقے میں آتشزدگی کے پراسرار واقعات میں اضافہ ہو اہے ۔
