مقبوضہ جموں و کشمیر
بارہمولہ : بارودی سرنگ کے دھماکے میں ایک خاتون زخمی
سرینگر04 نومبر (کے ایم ایس)
غیر قانونی طور پر بھارت کے زیر قبضہ جموں و کشمیر میں شمالی کشمیر کے ضلع بارہمولہ میں آج بارودی سرنگ کے دھماکے میں ایک خاتون زخمی ہو گئی۔
کشمیرمیڈیاسروس کے مطابق حکام نے میڈیا کو بتایا ہے کہ 32سالہ خاتون سلیمہ بیگم اوڑی کے علاقے چرندا میں جنگل سے لکڑیاں اکٹھی کر رہی تھیں کہ بھارتی فوج کی طرف سے نصب کی گئی بارودی سرنگ پر اس کاپیر آنے کے باعث دھماکے میں وہ زخمی ہو گئی ۔خاتون کا بائیاں پائوں زخمی ہوگیا ہے ۔ انہوں نے بتایا کہ زخمی خاتون کو سب ڈویژنل ہسپتال اوڑی منتقل کردیا گیا جہاں سے اسے بعد ازاں گورنمنٹ میڈیکل کالج بارہمولہ بھجوادیاگیا۔
