ہندو انتہاپسندوں کے حملے میں 7دلت شدید زخمی
چندر پور 24 اگست (کے ایم ایس )
بھارتی ریاست مہاراشٹر میں ہندوانتہا پسندوں کے 2 دلت خاندانوں پر حملے میں دو خواتین سمیت 7 دلت شدید زخمی ہو گئے ۔
کشمیر میڈیا سروس کے مطابق پولیس کا کہنا ہے کہ ہندوحملہ آوروںنے مہاراشٹر کے ضلع چندر پور کے ایک گائوں میں دلت خاندانوںکو کالا جادو کرنے پر تشدد کا نشانہ بنایا ہے۔پولیس کے متاثرہ دلتوںکو لکڑی کے کھمبوں سے باندھ کر وحشیانہ تشدد کا نشانہ بنایا گیا۔جب دلت برادری کے سات افرادجن میں سے کچھ بزرگ بھی شامل تھے گائوں کے چوک میںپہنچے تو ہندوئوںنے ان پر کیچڑ اچھالنا شروع کر دیا۔بعدازاںان میں سے دو خواتین سمیت تین افراد کو کھمبوںسے باندھ کر لاٹھیوں سے ان پر تشدد کیاگیا ۔ بعدازاںدلت خاندان کے مزید چار افراد پر بھی تشدد کیاگیا ۔ شدید زخمی دلتوںکو چندر پور گورنمنٹ میڈیکل کالج اینڈ ہسپتال داخل کرایا گیاہے۔
ادھر کانگریس پارٹی نے دلت خاندانوں پر ہندوئوں کے حملے کی شدید مذمت کرتے ملزمان کے خلاف سخت کارروائی کا مطالبہ کیاہے۔ KMS-02/Y
