مقبوضہ جموں و کشمیر
لوگ بی جے پی کی غریب اور عوام دشمن پالیسیوں سے تنگ آچکے ہیں: رمن بھلہ
جموں: غیر قانونی طور پر بھارت کے زیر قبضہ جموں و کشمیر میں کانگریس کے رہنما رمن بھلہ نے کہا ہے کہ بی جے پی کی زیرقیادت بھارتی حکومت کی غریب اورعوام دشمن پالیسیوں سے نہ صرف مقبوضہ جموں و کشمیر بلکہ پورے بھارت میں عام لوگوں کو مشکلات کا سامنا کرنا پڑرہا ہے۔
کشمیر میڈیا سروس کے مطابق رمن بھلہ نے جموں کے علاقے رام گڑھ میں پارٹی کارکنوں ایک اجلاس سے خطاب کرتے ہوئے کہا کہ بی جے پی کی پالیسیوں نے لوگوں کو ان کی آمدنی سے محروم کردیا ہے اور لوگ بی جے پی سے تنگ آچکے ہیں۔رمن بھلہ نے کہا کہ”انڈیا” اتحاد عام انتخابات میں جموں و کشمیر اور لداخ کی تمام چھ لوک سبھا سیٹوں پر کامیابی حاصل کرے گا۔ انہوں نے کہا کہ کانگریس آئندہ لوک سبھا انتخابات کے لیے تیار ہے اور ہم ”انڈیا” اتحاد میں شامل دوسری پارٹیوں کے ساتھ مل کر انتخاب لڑیں گے۔
