بھارت
اترپردیش : مسلح افراد کی فائرنگ میں امام مسجد قتل
لکھنو: بھارتی ریاست اتر پردیش کے ضلع مراد آبادمیں مسلح افراد نے ایک مسجد کے امام کوگولی مار کر قتل کردیاہے۔
کشمیرمیڈیاسروس کے مطابق مراد آباد کے علاقے کٹ گھر کے گائوں بھینی سا میں نامعلوم مسلح افراد نے امام مسجد مولانا اکرم کا گولی مار کرقتل کر دیا ہے۔ پولیس نے جائے وقوعہ پر پہنچ کرامام مسجد کی لاش کو پوسٹ مارٹم کیلئے ہسپتال بھجوادیا ہے ۔امام مسجد کے قتل کے بعد علاقے کے لوگوں میں شدید خوف ودہشت پھیل گیاہے ۔ مولانا اکرم گزشتہ 15سال سے مسجدمیں امامت کے فرائض انجام دے رہے تھے ۔ اہلخانہ کے مطابق انہیں کسی کا ٹیلی فون آیا اور اس نے انہیں ملنے کیلئے گھر سے باہر بلایا جس کے بعد انکی کوئی خبر نہیں تھی۔ ان کی لاش گائوں کے قریب واقع کھنڈرات سے ملی ہے ۔ پولیس کو جائے وقوعہ سے ایک پستول بھی ملا ہے ۔پولیس امام مسجد کے قتل کی تحقیقات کر رہی ہے ۔
