بھارت
کانپور : دیوالی پر زور دار دھماکہ، میاں بیوی ہلاک
کانپور:
بھارتی ریاست اتر پردیش کے شہر کانپور میں دیوالی کے موقع پر زبردست دھماکے میں دوافراد ہلاک ہو گئے ہیں۔
کشمیرمیڈیاسروس کے مطابق کانپور کے علاقے گاندھی نگر کے قریب سلنڈر دھماکے میں میاں بیوی سمیت دو افراد ہلاک ہو گئے ۔ دھماکے کی شدت سے قریبی گھر اورعمارتیں لرز گئے اوران میں دراڑیں پڑ گئیں۔ شوہر کی لاش دھماکے کے مقام سے تقریبا 50 میٹر دور جاگری۔تفصیلات کے مطابق گاندھی نگر کا رہائشی سریندر گوڑ اپنی بیوی نویتا کے ہمراہ گیس سلنڈر بھرواکر آرہا تھا جیسے ہی اس نے گھر کے باہر موٹر سائیکل روکی تو سلنڈزوردار دھماکے سے پھٹ گیا ۔ دھماکے کی شدت سے سریندر کا جسم ٹکرے ٹکرے ہو کر تقریب پچاس میٹر دو ر جاگر ۔دھماکے سے نویتا شدید زخمی ہو گئی جسے ہسپتال منتقل کیاگیا تاہم ڈاکٹروں نے اسے مردہ قراردیا۔
