مقبوضہ جموں و کشمیر
مقبوضہ کشمیر:نامعلوم مسلح افراد کے حملے میں دو بھارتی پولیس اہلکار ہلاک
سرینگر 10 دسمبر (کے ایم ایس)
بھارت کے غیر قانونی زیر قبضہ جموں و کشمیرکے شمالی ضلع بانڈی پورہ میں آج نامعلوم مسلح افراد کے حملے میں دو بھارتی پولیس اہلکار ہلاک ہو گئے ۔
کشمیرمیڈیاسروس کے مطابق نامعلوم مسلح افراد نے ضلع کے گلشن چوک میں بھارتی پولیس کی پارٹی پر فائرنگ کی جس سے دو پولیس اہلکار زخمی ہو گئے۔ زخمی اہلکارہسپتال لے جاتے ہوئے راستے میں ہی دم توڑ گئے ۔ واقعے کے فورا بعد بھارتی فوجیوں اور پولیس اہلکاروں نے علاقے کا محاصرہ کر کے تلاشی کی کارروائی شروع کردی ۔
