مقبوضہ جموں و کشمیر
بارہمولہ : بھارتی فوجیوں کے ہاتھوں ٹرک ڈرائیور کا قتل، مجرم فوجیوں کیخلاف ایک سال بعد مقدمہ درج
سری نگر: بھارت کے غیر قانونی زیر قبضہ جموں وکشمیر کے ضلع بارہمولہ میں بھارتی فوجیوں کی فائرنگ سے ایک کشمیری ٹرک ڈرائیور وسیم احمد میر کے قتل کے ایک برس سے زائد عرصے بعد واقعے کا مقدمہ درج کر لیا گیاہے۔
کشمیر میڈیا سروس کے مطابق بھارتی فوجیوں نے ضلع کے گاﺅں گوری پورہ کے اپنے خاندان کے واحد کفیل وسیم احمد میر کو 6 فروری 2025 کو اس وقت گولیاں مار دی تھیں جب وہ اپنے ٹرک میں سیب کی پیٹیاں لے جارہا تھا۔واقعے کو ایک برس سے زائد وقت گزر چکا ۔ اب انسانی حقوق کے بھارتی کمیشن نے اس حوالے سے مقدمہ درج کر لیا ہے۔
