مقبوضہ جموں و کشمیر
کل جماعتی حریت کانفرنس کے رہنما مولانا بشیر فاروقی بڈگام میں انتقال کر گئے
سرینگر 28 جنوری (کے ایم ایس)بھارت کے غیر قانونی زیر قبضہ جموں و کشمیر میں کل جماعتی حریت کانفرنس کے رہنما اور معروف عالم دین مولانا بشیر احمد فاروقی آج بڈگام میں انتقال کر گئے۔
کشمیر میڈیا سروس کے مطابق بڈگام کے علاقے روسو کے رہائشی مولانا بشیر احمد فاروقی مختصر علالت کے بعد وفات پاگئے۔کل جماعتی حریت کانفرنس کے رہنما عمر عادل ڈار نے سرینگر میں ایک بیان میں مولانا بشیر احمد فاروقی کے انتقال پر دکھ اور افسوس کا اظہار کیا۔ انہوں نے مرحوم کے درجات کی بلندی کیلئے دعا اور غمزدہ خاندان سے تعزیت کی۔
