بھارت
سکھوں کے مذہبی تہوارساکا ننکانہ کے موقع پر دیپ سنگھ سدھو کو خراج عقیدت
ننکانہ صاحب 21 فروری (کے ایم ایس)سکھوں کے مذہبی تہوار” ساکا ننکانہ“ کی تقریبات کے پہلے روز سکھ کیمونٹی نے بھارتی ایجنسیوں کے ہاتھوں قتل ہونے والے معروف بھارتی پنجابی فنکار اور نوجوان سکھ رہنما سردار دیپ سنگھ سدھو کو عقیدت کے پھول پیش کیے اور ان کی یاد میں گورودارہ جنم استھان میں شمعیں روشن کر کے نعرے بازی کی۔
چیئرمین پنجابی سکھ سنگت سردار گوپال سنگھ چاولہ نے اس موقع پر کہا کہ دیپ سنگھ سدھو سکھ قوم کا چمکتا ہوا ستارہ تھے۔ دیپ سنگھ سدھو کی موت ایک ٹریفک حادثہ نہیں بلکہ ان کو قتل کرکے حادثہ قرار دینے کا ڈرامہ رچایاگیا ہے۔ دیپ سنگھ سدھو کو خراج تحسین پیش کرنے کے لیے گوردوارہ جنم استھان میں خصوصی دعا بھی کی گئی۔ اس موقع پر کسان رہنماکی خدمات کو سراہتے ہوئے خراج عقیدت پیش کیاگیا۔
