جموں
راجوری میں ہزاروں افراد نے صوفی بزرگ کا 50واں عرس عقیدت واحترام سے منایا
جموں :غیرقانونی طورپر بھارت کے زیر قبضہ جموں وکشمیر میں ضلع راجوری کے علاقے کوٹرنکا کے قریب ترملی شریف میں صوفی بزرگ باجی میاں غلام نبی نقشبندی کے 50ویں عرس کی تقریبات میں شرکت کے لیے مختلف مذاہب سے تعلق رکھنے والے ہزاروں عقیدت مند جمع ہوئے۔
کشمیر میڈیا سروس کے مطابق عرس کی تقریبات میں مسلمانوں، ہندوئوں، سکھوں اور عیسائیوں نے شرکت کی۔ اس موقع پرمعروف عالم دین عبدالرشید دائودی نے صوفی بزرگ کی بھائی چارے اور انسانیت کی تعلیمات کو اجاگرکیا۔باجی میاں کا مزار جو کہ فرقہ وارانہ ہم آہنگی کی علامت ہے، ایک روحانی مرکز بنا ہواہے جہاں عرص میں شرکت کے لئے بلالحاظ مذہب وملت لوگوں کی بڑی تعداد دور دراز علاقوں سے آتی ہے۔
