بھارت
کرناٹک:حجاب پہننے پر بورڈ امتحانات کی سپروائزر معطل
بنگلورو29مارچ (کے ایم ایس)
بھارتی ریاست ریاست کرناٹک کے تعلیمی اداروں میں مسلم طالبات کے حجاب پر پابندی کے بعد اب ضلع بنگلورو میں حجاب پہننے پر امتحانی مرکز کی ایک مسلم سپروائزر کو معطل کردیاگیا ہے ۔
کشمیرمیڈیاسروس کے مطابق نور فاطمہ ضلع کے علاقے راجہ جی نگر میں دسویں جماعت کے بورڈ امتحانات کی نگرانی کے دوران حجاب پہن رکھا تھا جس پر انہیں معطل کردیاگیا ہے ۔
واضح رہے کہ ریاست کرناٹک کے تعلیمی اداروں میں مسلم طالبات کے حجاب پر پابندی کے بعد اب اس تنازعے نے پورے بھارت کو اپنی لپیٹ میں لے لیا ہے اور بھارت بھر میں مسلم طالبات اور خواتین کے حجاب پہننے پر انہیں امتیازی اورانتقامی کارروائیوں کا نشانہ بنایا جارہا ہے ۔
