بی جے پی اپنے ناکام وزرائے اعلی کوتبدیل کرنے میں مصروف ہے ،چدمبرم
نئی دلی13ستمبر (کے ایم ایس )
بھارت میں کانگریس پارٹی کے سینئر لیڈر اور سابق وزیر پی چدمبرم نے پانچ سال تک گجرات کے وزیر اعلی رہنے والے وجے روپانی کو اچانک ہٹائے جانے پر بھارتیہ جنتا پارٹی پر طنز کرتے ہوئے کہاہے کہ بی جے پی اپنے ناکام وزرائے اعلیٰ کو تبدیل کرنے میں مصروف ہے ۔
کشمیرمیڈیاسروس کے مطابق پی چدمبرم نے بی جے پی کی طرف سے گجرات کے وزیر اعلی کے عہدے سے ہٹانے اور ان کی جگہ پربھوپندر پٹیل کو وزیراعلیٰ بنائے جانے پر ایک ٹویٹ میں کہاکہ بی جے پی اپنے ناکام وزرائے اعلیٰ کو تبدیل کرنے میں مصروف ہے اور بی جے پی کے ایسے وزرائے اعلی کی فہرست طویل ہے۔ انہوں نے کہاکہ اچھی کارکردگی کا مظاہرہ نہ کرنے پر بی جے پی کئی ریاستوں کے وزارائے اعلیٰ تبدیل کر چکی ہے ۔ انہوںنے مزید کہاکہ بی جے پی کے ناکام وزرائے اعلیٰ کی فہرست طویل ہے جس میں ہریانہ ، گوا ، تریپورہ اوردیگر شامل ہیں۔
