بھارت :شرپسندوں نے مسلم خاندان کو روک کر جبراً ہولی کا رنگ ڈال دیا

بجنور:بھارتی ریاست اترپردیش میں ضلع بجنورکے قصبے دھام پور کی ایک ویڈیو سوشل میڈیا پر وائرل ہو ئی ہے جس میں کچھ ہندو انتہا پسند موٹر سائیکل پر سواربرقع پوش لڑکی ،ایک عمر رسیدہ خاتون اور ایک نوجوان کو روک کران پرزبردستی گیلے رنگ ڈال رہے ہیں۔
کشمیرمیڈیاسروس کے مطابق پہلے نوجوان کے چہرے پر زبردستی رنگ لگایا جاتا ہے۔ اس کے بعد لڑکی اور عمر رسیدہ خاتون پر گیلا رنگ پھینکا جاتا ہے۔ ایک انتہاپسند عمر رسیدہ خاتون کے گالوں پر بھی رنگ لگا رہا ہے۔ مسلمان خاندان کی مخالفت کے باوجود ان کے ساتھ زبردستی کی جارہی ہے۔ پولیس نے بتایاکہ اس سلسلے میں ایک مقدمہ درج کر کے 4افراد کو گرفتار کیا گیاہے۔