مقبوضہ جموں و کشمیر
آغا سید حسن کی کابل میں گردوارے پر حملے کی مذمت
سرینگر 19جون(کے ایم ایس) غیر قانونی طور پربھارت کے زیر قبضہ جموں و کشمیر میں کل جماعتی حریت کانفرنس کے سینئر رہنما آغا سید حسن الموسوی الصفوی نے افغانستان کے دارالحکومت کابل میں ایک گردوارے پر بزدلانہ حملے کی شدید مذمت کی ہے۔
کشمیر میڈیا سروس کے مطابق آغا سید حسن نے سرینگر میں جاری ایک بیان میں مذہبی اور نسلی اقلیتوں کو جان بوجھ کر نشانہ بنانے پر شدید تشویش کا اظہار کیا۔انہوں نے متاثرین کے لواحقین سے گہری ہمدردی کا اظہار کرتے ہوئے اس بات کا اعادہ کیا کہ دہشت گردی کا کوئی بھی عمل مجرمانہ اور بلا جواز ہے، چاہے اس کے محرکات سے کچھ بھی ہوں۔
