مقبوضہ جموں و کشمیر
سرینگر: بھارتی فوجی کو ہوائی اڈے پر بیگ سے گولیاں برآمد ہونے پرگرفتار کر لیا گیا
سرینگر 29 جولائی (کے ایم ایس)بھارت کے غیر قانونی زیر قبضہ جموں و کشمیر میں ایک بھارتی فوجی کو آج سری نگر کے ہوائی اڈے پر بیگ سے دو گولیاں برآمد ہونے پر حراست میں لیا گیا ۔
کشمیر میڈیا سروس کے مطابق ایک افسر نے ذرائع ابلاغ کو بتایا کہ ہوائی اڈے کے ڈراپ گیٹ پر اسکریننگ کے دوران آسام رائفلز (اے آر) کے اہلکار وجے پال کے سامان سے انڈین سمال آرمز سسٹم رائفل کی دوگولیاں برآمد ہوئیں۔ فوجی سری نگر سے نئی دہلی چھٹی پر جا رہا تھا۔
افسرنے بتایا کہ وجے پال کو پوچھ گچھ کے لیے فوری طور پر حراست میں لیا گیا اور بعد میں پولیس چوکی ہمہامہ کے حوالے کیا گیا۔ انہوں نے کہا کہ اس سلسلے میں مزید تفتیش شروع کر دی گئی ہے۔
