ہندوتوا کی فسطائی سوچ نے بھارت کو نفرت کی فیکٹری بنا دیا ہے، پاکستان
نیویارک: پاکستان نے اقوام متحدہ کی سلامتی کونسل میں بھارتی مندوب کے بے بنیاالزامات کا دوٹوک جواب دیتے ہوئے مقبوضہ جموں وکشمیر اور بھارتی ریاستوں میں مسلمانوں کے ساتھ ناروا سلوک کی شدید مذمت کی ہے۔
کشمیر میڈیا سروس کے مطابق پاکستانی مشن کے قونصلر قیصر سروانی نے کہا کہ جموں وکشمیر پربھارت کا قبضہ غیر قانونی ہے، بھارت نے مسئلہ کشمیرسلامتی کونسل میں اٹھایا اور اب وعدوں سے منحرف ہو رہا ہے۔
انہوںنے کہا کہ مقبوضہ کشمیر میں بھارتی فوجی مظالماور جبری گمشدگیاں جاری ہیں جبکہ بھارت میں مسلمان، عیسائی، سکھ اور دلت ظلم و جبر کا شکار ہیں۔
انھوں نے مزید کہا کہ ہندوتوا کی فسطائی سوچ نے بھارت کو نفرت کی فیکٹری بنا دیا ہے، بھارت سلامتی کونسل کی قراردادوں پر عمل کرے ۔ قیصر سروانی نے کہا کہ آزاد کشمیر میں جمہوری ادارے اور عوامی آزادی پاکستان کے عزم کا ثبوت ہیں۔
