مقبوضہ جموں و کشمیر
مقبوضہ کشمیر:بھارتی پوسٹ کے قریب دستی بم کا دھماکہ
سرینگر 02اگست (کے ایم ایس)
غیر قانونی طور پر بھارت کے زیر قبضہ جموں و کشمیر کے ضلع رام بن میں بھارتی پولیس پوسٹ کے قریب دستی بم کا ایک دھماکہ ہوا ہے ۔
کشمیرمیڈیاسروس کے مطابق یہ دھماکہ ضلع کے علاقے گول میں بھارتی پوسٹ کے قریب ہوا ہے ۔تاہم فوری طورپر کسی قسم کے جانی ومالی نقصان کی کوئی اطلاع نہیں ملی ہے ۔ پولیس کے مطابق دھماکے کے مقام سے ملنے والے ایک خط میں دعویٰ کیاگیا ہے کہ یہ دھماکہ ایک غیر معروف تنظیم جموں وکشمیر غزنوی فورس نے کیاہے ۔ تاہم مقامی لوگوں نے پولیس کے اس دعویٰ کو مسترد کرتے ہوئے کہاہے کہ انہوں نے اس سے پہلے اس تنظیم کے بارے میں کبھی کچھ نہیں سنا۔ بھارتی فورسز نے علاقے میں تلاشی کی کارروائی شروع کر دی ہے ۔
