مقبوضہ جموں و کشمیر
بانڈی پورہ: نامعلوم مسلح افراد نے غیر کشمیری مزدور کو گولیاں مار کر قتل کر دیا
سرینگر12 اگست (کے ایم ایس)بھارت کے غیر قانونی زیر قبضہ جموں و کشمیر میں نامعلوم مسلح افراد نے ضلع بانڈی پور میں ایک 19 سالہ غیر کشمیری مزدور کو قتل کردیا۔
کشمیر میڈیاسروس کے مطابق محمد امریج نامی بھارتی مزدور کو ضلع کے علاقے حاجن میں گولیاں ماری گئیں ۔ وہ بعد ازاں سرینگر کے ایک ہسپتال میں زخموں کی تاب نہ لاتے ہوئے چل بسا ۔
مقامی لوگوں کا کہنا ہے کہ جہاں بھارتی مزدور کو گولیاں ماری گئیں وہاںبڑی تعداد میں بھارتی فوجی اور پیرا ملٹری اہلکار تعینات ہیں لہذا قتل کا یہ واقعہ کشمیریوں کی تحریک آزادی کو بدنام کرنے کیلئے بھارتی خفیہ اداروں کا کام ہو سکتا ہے۔
