مقبوضہ جموں و کشمیر
سرینگر:بھارتی فوجیوں کا کشمیریوں پر وحشیانہ تشد د کی ویڈیو وائرل
سرینگر23اگست (کے ایم ایس)
بھارت کے غیر قانونی طور پر زیر قبضہ جموں و کشمیر میں سوشل میڈیا پروائرل ہونے والی ایک ویڈیو میں بھارتی فوجیوں کو دن دیہاڑے سرینگر کی ایک سڑک پر کشمیریوں کو وحشیانہ تشدد کا نشانہ بنا تے ہوئے دکھایاگیا ہے ۔
کشمیر میڈیا سروس کے مطابق ویڈیو میں دو بھارتی فوجیوں کو گاڑی کے ڈرائیور کوگھسیٹ کر باہر نکالتے ہوئے دیکھا جا سکتا ہے اور جیسے ہی ایک شہری ڈرائیور کو بچانے کے لیے آتا ہے تووہاں موجود تیسرا فوجی شہری کے سر پر بڑی لاٹھی سے وار کرتا ہے۔ پولیس نے اس واقعے کی تصدیق کرتے ہوئے کہاہے کہ یہ واقعہ گزشتہ روز قبل نوگام چوک میں پیش آیاہے۔
