مقبوضہ جموں و کشمیر
سرینگر میں بھارتی فوجیوں کی محاصرے اورتلاشی کی کاروائی
سرینگر14ستمبر (کے ایم ایس)
غیر قانونی طور پر بھارت کے زیر قبضہ جموں و کشمیر میں بھارتی فوجیوں نے آج ضلع سرینگر میں محاصرے اور تلاشی کی کارروائی شروع کی۔
بھارتی فوج کی سینٹرل ریزرو پولیس فورس ،راشٹریہ رائفلز اور پولیس اہلکاروں نے ضلع کے علاقے نوگام میں آپریشن شروع کیا۔ بھارتی فورسز نے علاقے کے تمام داخلی اور خارجی راستوں کو بند کرکے انٹرنیٹ سروس معطل کر دی ہے۔ آخری اطلاعات ملنے تک علاقے میں فوجی کارروائی جاری تھی۔مزید تفصیلات کا انتظار ہے۔
دریں اثنا، نامعلوم حملہ آوروں نے ضلع پلوامہ کے علاقے ترال میں بھارتی فورسز کے ایک بنکر پر دستی بم سے حملہ کیا مگر کسی قسم کا کوئی جا نی نقصان نہیں ہوا ۔
