بھارت : ایک اور مسلمان کو پیٹ پیٹ کر قتل کر دیا گیا
نئی دہلی16 اکتوبر (کے ایم ایس) بھارتی ریاست اتر پردیش کے ضلع پاغپت میں ہندو انتہا پسند ہجوم نے ایک اور مسلمان کو پیٹ پیٹ کر قتل کر دیا۔
پچاس سالہ مسلمان شخص کی شناخت داﺅد علی تیاگی کے طور پر ہوئی ہے ۔ مسلمان شخص کو پیٹ پیٹ کر قتل کیے جانے کا یہ بہیمانہ واقعہ گزشتہ ماہ پیش آیا تھا تاہم میڈیا میں یہ آج (اتوار) رپورٹ ہوا۔رپورٹ کے مطابق تقریباً 20 افراد پر مشتمل ہندو ہجوم نے تیاگی پر رات گئے لاٹھیوں اور تیز دھار آلے سے حملہ کیا۔ داﺅد علی کے بیٹے نے ذرائع ابلاغ کو بتایا کہ میرے والد گھر کے برآمدے میں بیٹھے اپنے رشتہ داروں سے باتیں کر رہے تھے جب رات تقریباً 10 بجے سات یا آٹھ موٹر سائیلوں پر سوار 22 افراد کا ایک گروپ وہاں پہنچا۔ انہوں نے کہا کہ ان لوگو ں نے میرے والد پر لاٹھیوں او تیز دھار ہتھیاروں سے حملہ کر کے انہیں قتل کردیا ۔ متوفی کے بیٹے نے کہا کہ حملہ آور جئے شری رام کے نعرے لگا رہے تھے۔ رپورٹ کے مطا بق پولیس نے چار افرار کو گرفتار کر لیا ہے۔
