جموں
پونچھ میں آتشزدگی کے پراسرار واقعے میں چار گاڑیوں کو نقصان
جموں 17اکتوبر(کے ایم ایس) غیر قانونی طور پر بھارت کے زیر قبضہ جموں و کشمیر میں ضلع پونچھ کے قصبے سرنکوٹ میں ایک پارکنگ علاقے میں آتشزدگی کے پراسرار واقعے میں وہاںکھڑی کم از کم چار گاڑیوں کو شدید نقصان پہنچا۔
مقامی لوگوں نے بتایا کہ انہوں نے گاڑیوں سے آگ بھڑکتے دیکھ کر فائر ٹینڈرز اور مقامی پولیس کو مطلع کیا جو فوری طورپر جائے وقوعہ پر پہنچ گئے۔انہوں نے کہا کہ چار گاڑیوں میں دو سپورٹس گاڑیاں بھی شامل ہیں جن کواس واقعے میں نقصان پہنچا ہے۔اس دوران ایک سرکاری عہدیدارنے بتایا کہ ایک شخص کو حراست میں لیا گیا ہے جبکہ مزید تحقیقات جاری ہے۔
