بھارت
دہرادون :انڈین ملٹری اکیڈمی کے امتحان میں بلیو ٹوتھ کے ذریعہ نقل کرتے 3میدوار گرفتار
دہرادون17اکتوبر(کے ایم ایس)
بھارتی ریاست اتراکھنڈ کے ضلع دہرادون میں واقع انڈین ملٹری اکیڈمی میں گروپ سی کے امتحان میں بلیو ٹوتھ کے ذریعے نقل کرتے ہوئے تین امیدواروں کو گرفتارکیاگیا ہے ۔
پولس نے میڈیا کو بتایا ہے کہ ملٹری اکیڈمی میں گروپ سی کے امتحان کے دوران فوج کے روم سپروائزر نے 3 افراد کو بلیو ٹوتھ سے نقل کرتے ہوئے پکڑاہے ،جنہیں پولیس کے حوالے کر دیا گیا۔ اس سلسلے میں تھانہ کینٹ میں اتر پردیش پبلک ایگزامینیشن ایکٹ 1998 سمیت دیگر مختلف دفعات کے تحت مقدمہ درج کیا گیا ہے۔انہوں نے کہاکہ گرفتار کئے گئے امیدواروں کی شناخت سکھبیر، روہت اور سرون کمار کے طور پر ہوئی جو ہریانہ کے رہائشی ہیں۔ تینوں کے خلاف مقدمہ درج کر کے ان کے قبضے سے بلیو ٹوتھ، موبائیل اور دیگر سامان برآمد کر لیا گیا ہے۔
