(کشمیر میڈیا سروس)
احمد آباد 23 دسمبر (کے ایم ایس) بھارتی ریاست گجرات کے شہر نوساری میں ایک ہندو پجاری اور مقامی نیوز چینل کے اینکر نے پیغمبر اسلام حضرت محمد صلی اللہ علیہ وسلم اور اسلام کے خلاف توہین آمیز تبصرے کرکے مسلمانوں کے جذبات کو ٹھیس پہنچائی ہے۔
ایک مسلمان شخص Sajid Alam Aladنے پولیس میں درج کرائی گئی شکایت میں کہا گیا ہے کہ ہندو پجاری کے تبصرے سے فرقہ کشیدگی پیدا ہو سکتی ہے۔ ساجد نے اپنی شکایت میں کہا کہ سادھوکے توہین آمیز بیان سے مسلمانوں کو تکلیف پہنچی ہے اور یہ بیان ہندو مسلم کشیدگی پیدا کرسکتا ہے۔ انہوں نے کہا کہ مسلم کمیونٹی کا فلم اسٹار شاہ رخ خان کی فلم پٹھان سے کوئی تعلق نہیں ہے۔ انہوں نے مزید کہاہم نہ تو فلم کی حمایت کرتے ہیں اور نہ ہی اداکار کے لیے کوئی ہمدردی ظاہر کرتے ہیں لیکن پھر بھی پجاری کی جانب سے کمیونٹی کو نشانہ بنایا جا رہا ہے۔سوشل میڈیا پر بھی ایک ویڈیو کلپ گردش میں ہے جس میں سادھو پنڈرک مہاراج کو اسلام اور مسلمانوں کے خلاف توہین آمیز تبصرہ کرتے ہوئے دیکھا جاسکتا ہے۔
پولیس نے پادری اور مقامی نیوز اینکر کے خلاف مسلمانوں کے مذہبی جذبات کو دانستہ طور پر مجروح کرنے کے الزام میں مقدمہ درج کیا ہے۔
یاد رہے کہ ہندوتوا تنظیموں کے ارکان شاہ رخ خان کی فلم ’پٹھان‘ کے گانے ’بے شرم رنگ‘ میں بھگوا رنگ استعمال کرنے پر ان پر سخت برہم ہیں۔ایک ہندوتوا رہنما مہنت پرمھانس اچاریہ نے کہا ہے کہ وہ شاہ رخ خان کو زندہ جلانے کی حد تک جائیں گے۔ انہوں نے دعویٰ کیا کہ ’بے شرم رنگ‘ گانا بنانے والوں نے” ہندوتو“ا سے جڑے رنگ کی توہین کی ہے۔
تازہ ترین
- مقبوضہ جموں و کشمیر میں صحافیوں اور اقوام متحدہ سے منسلک تنظیموں کے خلاف انتقامی کارروائیوں میں اضافہ ہوا ہے
- عدالت کا وحید پرہ کو والد کے علاج کے لیے کشمیر سے باہر جانے کی اجازت دینے سے انکار
- مقبوضہ جموں و کشمیر کے ضلع پونچھ میں این آئی اے کے چھاپے
- بھارت: ہائی کورٹ نے گواہاٹی ایئرپورٹ پرنماز پڑھنے کے لیے جگہ فراہم کرنے کی درخواست مستردکردی
- پولیس اہلکار نے زمین کے تنازعے پر بھائی کو قتل کردیا
- بھارتی فوجیوں نے مزید دو کشمیری نوجوان جعلی مقابلے میں شہید کردیے
- بھارت :منی پور میں ریاست کا کردار متعصبانہ رہا ہے: امن کارکن
- لندن: خالصتان حامی سکھوں نے بھارتی ہائی کمشنر کو گردوارے میں داخل ہونے سے روک دیا
- مقبوضہ جموں وکشمیر: بھارتی فوجیوں نے کپواڑہ میں دو نوجوان شہید کر دیے
- مقبوضہ جموں وکشمیر: عید میلا دالنبیﷺ انتہائی جوش و خروش سے منائی گئی