(کشمیر میڈیا سروس)
اقوام متحدہ 02جنوری(کے ایم ایس) فلسطینی علاقوں پر اسرائیل کے غیر قانونی قبضے کے قانونی نتائج کے بارے میں عالمی عدالت انصاف سے رائے طلب کرنے کے بارے میںاقوام متحدہ کی جنرل اسمبلی کی تاریخی قرارداد پر بھارت کے غیر حاضر رہنے سے یہ بات واضح ہوگئی ہے کہ بھارت مقبوضہ جموں وکشمیر میں آبادی کا تناسب اور مسلم اکثریت کو اقلیت میں تبدیل کرنے کے اسرائیلی ماڈل پر عمل پیرا ہے۔
کشمیرمیڈیا سروس کے مطابق پاکستا ن کے تعاون سے پیش کی گئی یہ قراردادجمعہ کے روز 193رکنی اسمبلی نے منظورکرلی جس کے حق میں 87 اورمخالفت میں 26ووٹ پڑے جبکہ53ممالک نے ووٹنگ میں حصہ نہیں لیا ۔ قرارداد پر مغربی ممالک منقسم رہے تاہم اس کواسلامی دنیا کی متفقہ حمایت حاصل رہی۔ روس اور چین نے قرارداد کے حق میں ووٹ دیا اور اسرائیل ، امریکہ ،برطانیہ اور جرمنی سمیت 22دیگر ارکان نے اس قرارداد کے خلاف ووٹ دیا جبکہ بھارت اور فرانس ان 53ممالک میں شامل تھے جنہوں نے ووٹنگ میں حصہ لینے سے گریز کیا۔اقوام متحدہ میں پاکستان کے مستقل مندوب منیر اکرم نے اے پی پی کے ساتھ ایک انٹرویو میں بتایاکہ بھارت کا غیر حاضر رہنا جموں و کشمیر پراس کے قبضے، کشمیریوں کی زمینیں چھیننے ، آبادی کا تناسب تبدیل کرنے اور کشمیریوں کے حق خودارادیت سے انکار دراصل اسرائیلی پالیسیوں کا ہی تسلسل ہے۔ انہوں نے کہاکہ جنرل اسمبلی نے اسرائیلی قبضے سے پیدا ہونے والے مسائل پر عالمی عدالت انصاف سے رائے طلب کی ہے۔ انہوں نے کہاکہ فلسطین میں اسرائیلی جرائم کی تصدیق سے مقبوضہ جموں وکشمیر میںبھارت کے مجرمانہ کردار کی بھی تصدیق ہوگی۔”اسرائیلی طرز عمل جومشرقی یروشلم سمیت مقبوضہ فلسطینی علاقے میں فلسطینی عوام کے انسانی حقوق کو متاثر کرتا ہیں”کے زیر عنوان قرارداد میںعالمی عدالت سے مطالبہ کیا گیاہے کہ وہ اسرائیل کی طرف سے فلسطینی عوام کے حق خودارایت کی خلاف ورزی اور یروشلم کے مقدس شہرمیں آبادی کا تناسب اور اس کی حیثیت تبدیل کرنے کے لئے اٹھائے گئے اقدامات پر قانونی نتائج کا تعین کرے۔ قرارداد میں اقوام متحدہ کے سیکریٹری جنرل سے بھی مطالبہ کیا گیا ہے کہ وہ ستمبر 2023میں اقوام متحدہ کی جنرل اسمبلی کے آئندہ اجلاس میں قرارداد پر عملدرآمدسے متعلق ایک رپورٹ پیش کریں۔ اقوام متحدہ میںفلسطین کے مستقل مبصر سفارتکار ریاض منصور نے ان ممالک کا شکریہ اداکیا جنہوں نے دھمکیوں اور دبائو کے باوجود قرارداد کے حق میں ووٹ دیاہے۔
تازہ ترین
- غزہ ، مقبوضہ کشمیر میں بیگناہ لوگوں کے قتل کے عالمی امن پر سنگین اثرات مرتب ہونگے، صدر علوی
- پاکستان نے بھارتی ہندو یاتریوں کو ویزے جاری کردیے
- ریاستیں بین الاقومی جرائم سے نمٹنے کیلئے ایک دوسرے کیساتھ تعاون کریں، اقوام متحدہ
- مودی حکومت کیطرف سے مقبوضہ جموں وکشمیر کو ہندو توا رنگ میں رنگنے کی کوششیں جاری
- ”جموں وکشمیرتنظیم نو ترمیمی بل “کی منظوری: کشمیریوں کو سیاسی ، معاشی طور پر بدحال کرنے کا ایک اور اقدام
- گاندربل : بھارتی پیراملٹری گاڑی نے ایک شہری کو ٹکر مار کر شہید کر دیا
- مقبوضہ جموں کشمیر میں بھارتی شہری مردہ پایا گیا
- کشمیریوں کو مسلسل 9ویں مرتبہ بھی جامع مسجد میں نماز جمعہ اداکرنے کی اجازت نہیں دی گئی
- حریت کانفرنس آزاد کشمیر شاخ کے زیر اہتمام پیر کو اسلام آباد میں مظاہرہ کیاجائیگا
- مقبوضہ کشمیر سے متعلق متنازعہ بلوں کی منظوری ، کشمیریوں کو سیاسی اورمعاشی طورپر مفلوج کرنے کی کوشش ہے
