بھارت : گرجا گھرمیں ہندو انتہاپسندوں کی توڑ پھوڑ کی ویڈیوسوشل میڈیا پر وائرل
نئی دہلی03جنوری(کے ایم ا یس)بھارتی ریاست چھتیس گڑھ میں ہندوانتہا پسندوں کی طرف سے ایک گرجاگھر میں توڑ پھوڑ کی ویڈیو سوشل میڈیا پروائرل ہوگئی ہے۔
ویڈیو میں ایک شخص کو گرجاگھرکے مجسمے کو توڑتے ہوئے دیکھا جاسکتاہے جبکہ دوسرا اس کی ویڈیوبنارہا ہے۔بھارتی ذرائع ابلاغ کی رپورٹس کے مطابق گزشتہ تین ہفتوں کے دوران ریاست میںعیسائیوں پر درجنوں حملے کئے گئے جس سے ہزاروں عیسائی اپنے علاقے چھوڑنے پر مجبور ہوگئے۔اس سے قبل پیر کے روزایک سینئر پولیس افسر سمیت کئی سیکورٹی اہلکار اس وقت زخمی ہوئے جب وہ پرتشدد ہجوم کو روکنے کی کوشش کر رہے تھے ۔ ہجوم چھتیس گڑھ کے قبائلی خطے باستر کے ضلع نارائن پو میں ایک گرجاگھر پر حملہ کررہاتھا۔ زخمی ہونے والے ایس پی سدانند کمارنے صحافیوں کو بتا یا کہ کچھ قبائلی لوگ بنگل پاڑہ کے علاقے میں ایک گرجا گھر پر حملہ کررہے تھے اورتشدد کے دوران کسی نے مجھ پر وار کیا جس سے میر ے سرپر چوٹیں آئیں۔ انہوں نے کہاکہ اس پورے واقعے کی تحقیقات کی جائے گی۔
A Hindu supremacist mob vandalizing a church in Chhattisgarh, India! pic.twitter.com/SgPvo7QDJA
— Ashok Swain (@ashoswai) January 2, 2023
