مقبوضہ جموں و کشمیر
مقبوضہ کشمیر:انتظامیہ نے برفانی تودوں کی وارننگ جاری کر دی
سرینگر 21 جنوری (کے ایم ایس)بھارت کے غیر قانونی زیر قبضہ جموں و کشمیر میں انتظامیہ نے کم از کم دس اضلاع میں برفانی تودے گرنے کی وارننگ جاری کردی ہے۔
علاقے کی ڈیزاسٹر مینجمنٹ اتھارٹی نے ایک بیان میں خبردار کیا ہے کہ وادی کشمیر کے بانڈی پورہ، بارہمولہ، گاندربل ، کولگام ، اسلام آباداور کپواڑہ جبکہ جموں خطے کے ڈوڈہ ، کشتواڑ، پونچھ اور رام بن اضلاع میں برفانی تودہ گرنے کا امکان ہے۔
بیان میں ان علاقوں کے لوگوں کو محتاط رہنے اور بالائی علاقوں کے سفر سے احتیاط برتنے کی ہدایت کی گئی ہے۔
