(کشمیر میڈیا سروس)
واشنگٹن04فروری(کے ایم ایس)آزاد جموں و کشمیر کے صدر بیرسٹر سلطان محمود چوہدری نے کہا ہے کہ امریکہ کو دیرینہ تنازعہ کشمیر کے حل کے لیے اپنا کردار ادا کرنا چاہیے جو خطے میں انسانی حقوق کی خلاف ورزیوں کی ایک بڑی وجہ ہے۔
کشمیرمیڈیاسروس کے مطابق بیرسٹر سلطان محمود چوہدری نے یہ بات ہفتے کو واشنگٹن میں امریکی محکمہ خارجہ کے اعلیٰ عہدیدارJason McClellan سے ملاقات کے دوران کہی۔ انہوںنے کہاکہ اب وقت آگیا ہے کہ دنیابالخصوص امریکہ کشمیری عوام کو ان کا حق خودارادیت دلانے کے لیے اپنا کردار ادا کرے جس کی ضمانت انہیں اقوام متحدہ نے دے رکھی ہے۔ انہوں نے کہا کہ بھارتی حکومت کے 05اگست 2019کے اقدامات نے خطے کو ایک نہ ختم ہونے والے انتشار اور غیر یقینی صورتحال کی طرف دھکیل دیا ہے۔ یہ بات قابل ذکر ہے کہ آزاد جموں و کشمیر کے صدر 05فروری کو مقبوضہ جموں و کشمیر کے عوام سے اظہار یکجہتی کے لیے لندن میں بھارتی ہائی کمیشن سے برطانوی وزیراعظم کی رہائش گاہ 10ڈائوننگ سٹریٹ تک ریلی کی قیادت کریں گے۔ کشمیر پیس فورم انٹرنیشنل کے زیر اہتمام ہونے والی ریلی میں برطانیہ میں مقیم کشمیری اور پاکستانی کمیونٹی کے افراد شرکت کریں گے۔ بیرسٹر سلطان نے یورپ، امریکہ اور دنیا بھرمیں مقیم کشمیریوں سے بھی اپیل کی ہے کہ وہ یوم یکجہتی کشمیر کے موقع پر مقبوضہ جموں وکشمیر کے عوام سے اظہار یکجہتی کریں۔
تازہ ترین
- بھارت میں اقلیتوں کے حقوق کی تشویشناک حد تک خلاف ورزیاں جاری ہیں
- مقبوضہ کشمیر:پولیس کا ڈپٹی سپرنٹنڈنٹ سرینگر سے گرفتار
- نریندر مودی خطے میں دہشت گردی میں ملوث ہے ،مشعال ملک
- کینیڈا ،انڈیا سفارتی تنازعہ شدت اختیار کرگیا، بھارت نے کینیڈا کیلئے ویزا سروسز تاحکم ثانی معطل کردیں
- محمود ساغر کا ترک صدر کے نام خط ،جنرل اسمبلی میں مسئلہ کشمیر اجاگر کرنے پر شکریہ ادا کیا
- کینیڈا نے بھارت کی سفری ہدایات کو مسترد کردیا
- کینیڈا میں خالصتان تحریک کا ایک اور لیڈر سکھدول سنگھ قتل
- صدر بائیڈن سکھ لیڈر کے قتل میں بھارت کے ملوث ہونے کے الزامات کو سنجیدگی سے دیکھ رہے ہیں ، جان کربی
- ہردیپ سنگھ نجار کے قتل کے بعد کینیڈا میں سکھ اور دیگرامیگرینٹ کمیونٹیز خود کو غیر محفوظ سمجھتی ہیں، جگمیت سنگھ
- تنازعہ کشمیر جنوبی ایشیائی خطے کے امن و استحکام کو درپیش اہم ترین چیلنج ہے ، سعودی وزیر خارجہ