مقبوضہ جموں و کشمیر
کولگام :مٹی کا تودہ گرنے سے متعدد عمارتوں کو نقصان پہنچا
سرینگر23فروری (کے ایم ایس)
غیر قانونی طور پر بھارت کے زیر قبضہ جموں و کشمیر کے ضلع کولگام میں آج مٹی کا تودہ گرنے سے کم سے کم ایک رہائشی مکان اور تین دکانوں کو نقصان پہنچا۔
کشمیرمیڈیاسروس کے مطابق مقامی لوگوں نے میڈیا کو بتایا کہ جمعرات کی صبح ضلع کے علاقے نورآباد میں مٹی کا تودہ گرا جس سے لوگوں میں خوف وہراس پھیل گیا۔انہوں نے مزید بتایا کہ لینڈ سلائیڈنگ سے ایک رہائشی مکان اور تین دکانوں کو نقصان پہنچا ہے۔
