مقبوضہ جموں و کشمیر
بھارتی فورسز نے بارہمولہ میں نوجوان گرفتارکرلیا
سرینگر 15 اکتوبر (کے ایم ایس) غیر قانونی طور پر بھارت کے زیر قبضہ جموں و کشمیر میں بھارتی فورسز نے ضلع بارہمولہ میں ایک نوجوان کو گرفتارکرلیا۔
کشمیرمیڈیا سروس کے مطابق بھارتی فوج ، پیراملٹری فورسز اور پولیس نے ضلع کے علاقے کھرچک کریری میں ایک مشترکہ کارروائی کرتے ہوئے گلزار احمد ملہ نامی ایک نوجوان کو گرفتارکیا۔پولیس نے دعویٰ کیا ہے کہ نوجوان عسکریت پسندوں کے لئے کام کرتاتھا اوراس کے خلاف پولیس سٹیشن کریری میں کیس درج کرکے تحقیقات شروع کردی گئی ہے۔
