تازہ ترین

نامعلوم مسلح افراد نے سرینگر اور پلوامہ میں دوغیر مقامی افرادکو گولی مارکر قتل کردیا

سرینگر16اکتوبر (کے ایم ایس) غیر قانونی طور پر بھارت کے زیر قبضہ جموں و کشمیر میں نامعلوم مسلح افراد نے سرینگر اور پلوامہ میں دو الگ الگ واقعات میں دوغیر مقامی باشندوں کو گولی مارکرقتل کردیا۔
کشمیرمیڈیا سروس کے مطابق مسلح افراد نے سرینگر میں عیدگاہ پارک کے قریب ایک غیر مقامی شخص پرفائرنگ کی جس سے وہ شدید زخمی ہوگیا ۔زخمی شخص کو ایس ایم ایچ ایس ہسپتال لے جایاگیا جہاں وہ زخموں کی تاب نہ لاتے ہوئے دم توڑ گیا۔ ہلاک ہونے والے کی شناخت کی جارہی ہے۔ مسلح افراد نے اسی طرح کے ایک اور واقعے میں ضلع پلوامہ کے علاقے لتر میں ایک اور غیر مقامی شخص کو گولی مارکر قتل کردیا ۔ مقتول کی شناخت بھارتی ریاست اترپردیش سے تعلق رکھنے والے صغیر احمد کے نام سے ہوئی ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

%d bloggers like this: