(کشمیر میڈیا سروس)
بریلی یوپی15مارچ(کے ایم ایس)بھارت میں معروف عالم دین اور اتحاد ملت کونسل کے سربراہ مولانا توقیر رضا خان بریلوی اور ان کے تین ساتھیوں کواپنے گھروںمیں نظربند کردیا گیاہے۔
نظربند کئے گئے ان کے ساتھیوں میں نفیس ،ندیم اور منیر ادریسی شامل ہیں۔منیر ادریسی مولانا کے ترجمان بھی ہیں۔ایک سرکاری عہدیدار نے بتایاکہ درگاہ اعلیٰ حضرت کمپلکس کے اطراف جہاں مولانا رہتے ہیں، بھاری تعداد میں پولیس فورس تعینات کردی گئی ہے جبکہ مولانا کے ساتھیوں کے مکانوں پر بھی پہرہ دیا جارہا ہے۔ مولانا رضانے ہندوتوا تنظیموں پر پابندی کے مطالبہ کے لئے اپنے حامیوں سے دہلی کی طرف مارچ کی اپیل کی تھی۔ ضلع مجسٹریٹ شیوکانت دیویدی نے بتایا کہ مولانا کو تین دن کے لئے گھر میں نظربندکیاگیاہے اور ضرورت پڑنے پر نظربندی بڑھ سکتی ہے۔بریلی کی سٹی مجسٹریٹ رینو سنگھ کا کہنا ہے کہ مولانا نے مارچ نکالنے کی اجازت نہیں لی اور صرف سینئر عہدیداروں کو مطلع کردیا تھا۔انہوں نے کہاکہ انٹلیجنس ایجنسیوں کی ان اطلاعات پر مولانا اور ان کے ساتھیوں کو نظربند کردیا گیا کہ ان کے مارچ سے امن وامان مسئلہ پیدا ہوسکتا ہے۔ مولانا نے بریلی تا دہلی ترنگا یاترا نکالنے کے منصوبہ کا اعلان کیا تھا اور ہندوتوا تنظیموں پر پابندی کے لئے ان کا صدرجمہوریہ دروپدی مرمو کو یادداشت پیش کرنے کا منصوبہ تھا۔انہوں نے گزشتہ ہفتے مرادآباد میں کہا تھا کہ علیحدہ خالصتان کا مطالبہ کرنے والوں کے خلاف غداری کا کیس درج کرنے والی حکومت کو چاہئے کہ وہ ہندو راشٹر کا مطالبہ کرنے والوں کے خلاف بھی ایسا ہی کرے۔ مولانا کی ایک ویڈیو سوشل میڈیاپروائرل ہوئی ہے جس میں انہوں نے کہا تھا کہ اگر ہمارے نوجوان مسلم راشٹر کا مطالبہ کرنے لگے تو پھر کیا ہوگا؟ انہوں نے کہاکہ وزیراعظم نریندر مودی کا سب کا ساتھ سب کا وکاس کا نعرہ جھوٹا ہے۔ بعض مذہبی جنونی ملک میں نفرت کے بیج بورہے ہیں۔ انہوں نے کہاتھا کہ مسلمانوں کے ساتھ نفرت بڑھتی جارہی ہے، مساجد اور مدارس کے تحفظ کی ضرورت ہے۔جس کے بعد مرادآباد پولیس نے ان کے خلاف مقدمہ درج کیا تھا۔
تازہ ترین
- مقبوضہ جموں وکشمیر:تیز رفتار گاڑی کی ٹکر سے ’ایس پی او‘ ہلاک
- اتر پردیش: ہندو توا ارکان نے مسلمان رکن اسمبلی کے دورے کے بعد مندر کو گنگا کے پانی سے صاف کیا
- جموں وکشمیر میں ظلم و جبر کی بھارتی پالیسی ناکام ہوچکی ہے، محبوبہ مفتی
- بھارت میں اقلیتیں ریاستی جبر کا شکار، مقبوضہ کشمیر میں مظالم انتہا تک پہنچ چکے ہیں، مقررین
- پیغمبر اسلامۖ کی شان میں گستاخی ناقابل قبول ہے : متحدہ مجلس علمائ
- بھارت :ہماچل پردیش میں دیواروں پر خالصتان کے حق میں نعرے تحریر
- سوپور میں خاتون چلتی بس سے گرنے سے جاں بحق
- اقوام متحدہ اور اوآئی سی مقبوضہ جموں وکشمیر میں اپنی ٹیمیں بھیجیں
- حریت رہنمائوں اورتنظیموں کی طرف سے توہین رسالت کے واقعے کی مذمت، ہرتال کال کی حمایت
- بی جے پی کی عوام دشمن پالیسیوں کے خلاف جموں میں احتجاجی مظاہرہ
