مقبوضہ جموں وکشمیر میں شہری ہلاکتوں کے خلاف احتجاجی مظاہرہ

 

protest

سرینگر 19 اکتوبر (کے ایم ایس) غیر قانونی طور پر بھارت کے زیر قبضہ جموں و کشمیر میں مقامی باشندوں نے علاقے میں شہری ہلاکتوں کے خلاف احتجاجی مظاہرہ کیا۔
کشمیر میڈیا سروس کے مطابق مظاہرین نے انصاف کا مطالبہ کرتے ہوئے کہا کہ کشمیری امن پسند لوگ ہیں۔مظاہرین کا کہنا تھا کہ کشمیریوں کو بدنام نہ کریں اور شہریوں کاقتل بند کریں۔ مقبوضہ علاقے میں گزشتہ دو ہفتوں کے دوران نامعلوم مسلح افراد کے ہاتھوں غیر مقامی مزدوروں سمیت کم از کم 12 شہری مارے گئے ہیں۔سیاسی ماہرین اور تجزیہ کاروں کا کہنا ہے کہ شہریوں کاقتل کشمیریوں کی تحریک آزادی کو بدنام کرنے کے لیے بھارتی خفیہ ایجنسیوں کی کارستانی ہوسکتی ہے کیونکہ بھارتی ایجنسیوں نے ماضی میں بھی ایسی کارروائیاں کی ہیں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

%d bloggers like this: