(کشمیر میڈیا سروس)
سرینگر26 اگست (کے ایم ایس) بھارت کے غیر قانونی زیرقبضہ جموں وکشمیر میں کل جماعتی حریت کانفرنس کے رہنماوں نے کہا ہے کہ کشمیریوں کو اپنے ناقابل تنسیخ حق ، حق خود ارادیت کیلئے آواز اٹھانے پر جیلوں میں ڈالا جا رہا ہے۔
کل جماعتی حریت کانفرنس کے رہنماﺅں سلیم زرگر، ایڈووکیٹ ارشد اقبال، فاروق احمد توحیدی، میر شاہد سلیم اور مولانا مصعب ندوی نے اپنے بیانات میں کہا کہ بھارتی مظالم اور ناانصافی کے خلاف اور تنازعہ کشمیر کے حل کے لیے جو بھی آواز اٹھاتا ہے اسے سلاخوںکے پیچھے ڈال دیا جا تا ہے۔ انہوں نے کہا کہ بی جے پی حکومت کشمیریوں کے تمام سیاسی، معاشی، مذہبی اور معاشرتی حقوق سلب کرنے کے بعد مقبوضہ علاقے میں حالات پرامن ہونے کے نام نہاد دعوے کر رہی ہے۔
کل جماعتی حریت کانفرنس کے رہنماﺅں نے کہا کہ چار ہزار سے زائد حریت رہنما، کارکن اور نوجوان طویل عرصے سے مقبوضہ علاقے اور بھارت کی مختلف جیلوں میں کالے قوانین کے تحت جعلی مقدمات میں غیر قانونی نظربندی کا سامنا کر رہے ہیں ۔ انہوںنے کہا کہ ان لوگوں کو سچ بولنے کی سزا دی جا رہی ہے۔
دریں اثناءڈیموکریٹک یوتھ فورم نے شہید عمر قیوم کو زبردست خراج عقیدت پیش کیا ہے جنہیں 20 اگست 2010 کو سرینگر میں بھارتی فوجیوں نے حراست میں لے کر شہید کر دیا تھا۔
تازہ ترین
- مقبوضہ جموں و کشمیر میں صحافیوں اور اقوام متحدہ سے منسلک تنظیموں کے خلاف انتقامی کارروائیوں میں اضافہ ہوا ہے
- عدالت کا وحید پرہ کو والد کے علاج کے لیے کشمیر سے باہر جانے کی اجازت دینے سے انکار
- مقبوضہ جموں و کشمیر کے ضلع پونچھ میں این آئی اے کے چھاپے
- بھارت: ہائی کورٹ نے گواہاٹی ایئرپورٹ پرنماز پڑھنے کے لیے جگہ فراہم کرنے کی درخواست مستردکردی
- پولیس اہلکار نے زمین کے تنازعے پر بھائی کو قتل کردیا
- بھارتی فوجیوں نے مزید دو کشمیری نوجوان جعلی مقابلے میں شہید کردیے
- بھارت :منی پور میں ریاست کا کردار متعصبانہ رہا ہے: امن کارکن
- لندن: خالصتان حامی سکھوں نے بھارتی ہائی کمشنر کو گردوارے میں داخل ہونے سے روک دیا
- مقبوضہ جموں وکشمیر: بھارتی فوجیوں نے کپواڑہ میں دو نوجوان شہید کر دیے
- مقبوضہ جموں وکشمیر: عید میلا دالنبیﷺ انتہائی جوش و خروش سے منائی گئی