جموں
رامبن سڑک حادثے میں ایک ہی خاندان کے دو افراد ہلاک، دو دیگر زخمی
جموں10ستمبر(کے ایم ایس) غیر قانونی طور پر بھارت کے زیر قبضہ جموں و کشمیر کے ضلع رامبن میں راج گڑھ ،کاستی گڑھ لنک روڈ پر ایک سڑک حادثے میں ایک ہی خاندان کے دو افراد ہلاک اور دو دیگر شدید زخمی ہو گئے۔
ہلاک ہونے والوں کی شناخت پریتم لال اور ان کے 11سالہ بیٹے نتیش کمار کے نام سے ہوئی ہے۔ زخمیوں کی شناخت پریتم لال کی بیوی گور دائی اور ان کی کمسن بیٹی سندیہ دیوی کے طور پر ہوئی ہے۔پولیس نے بتایا کہ حادثہ اس وقت پیش آیا جب ایک کار راج گڑھ کاستی گڑھ روڈ پر دھرما کے قریب کئی سو فٹ گہری کھائی میں جاگری۔ پریتم لال کی موقع پر ہی موت ہوگئی جبکہ نتیش کمار نے اسپتال میں زخموں کی تاب نہ لاتے ہوئے دم توڑ دیا۔ زخمیوں کو علاج کے لیے ضلع اسپتال رامبن منتقل کیا گیاہے۔
