بھارت
نئی دلی : پولیس کے متعدد صحافیوں کے گھروں پر چھاپے
نئی دلی :بھارت کے دارلحکومت نئی دلی میں پولیس نے متعدد صحافیوں کے گھروں پر چھاپے مارے ہیں۔
کشمیرمیڈیاسروس کے مطابق پولیس نے صحافیوں کے گھروں پر چھاپے نیوز آرگنائزیشن نیوز کلک کی فنڈنگ کی تحقیقات کے سلسلے میں مارے ہیں۔ پولیس نے صحافیوں بشمول پرابیر پورکیاستھا، ابھی سار شرما، آنندیو چکرورتی، بھاشا سنگھ، ارملیش، سہیل ہاشمی اور سنجے راجورا کے گھروں پر چھاپے مارے ہیں۔صحافی ابھی سار شرما نے ایک ٹویٹ میں کہاکہ دلی پولیس نے ان کے گھر چھاپہ مار کر ان سے انکا لیپ ٹاپ اورموبائل فون ضبط کر لیا ہے ۔ بھاشا سنگھ نے ٹویٹ میں لکھاکہ دلی پولیس نے انکا موبائل فون بھی ضبط کر لیا ہے۔
