جموں
قابض انتظامیہ کی عوام دشمن پالیسیوں کے خلاف پونچھ میں احتجاجی مظاہرہ
جموں :غیر قانونی طور پر بھارت کے زیر قبضہ جموں و کشمیر میں قابض انتظامیہ کی عوام دشمن پالیسیوں کے خلاف ضلع پونچھ میں ایک احتجاجی مظاہرہ کیا گیا۔
کشمیرمیڈیاسروس کے مطابق احتجاجی مظاہرہ ضلع میں مینڈھر کے علاقے پٹھاناتیر میں کیا گیا۔مظاہرین کا کہنا تھا کہ علاقہ گزشتہ ایک ماہ سے پانی کی فراہمی سے محروم ہے جس کی وجہ سے وہ انتظامیہ کے خلاف احتجاجی مظاہرہ کرنے پرمجبورہوئے۔مظاہرین میں شامل دلیر خان، طارق منہاس اور دیگر نے کہا کہ محکمہ واٹر سپلائی نے علاقے میں اپنے اہلکار تعینات نہیں کئے ہیں جس کی وجہ سے لوگ پانی کی فراہمی سے محروم ہیں۔انہوں نے کہاکہ علاقے کی خواتین کو پانی کے حصول کے لیے کئی میل پیدل چلنا پڑتا ہے۔
