مقبوضہ جموں و کشمیر
مقبوضہ کشمیر:ایک معمر شخص کی لاش برآمد،کشمیری طالبعلم سرینگر ائیر پورٹ سے گرفتار
سرینگر02نومبر (کے ایم ایس )
غیر قانونی طور پر بھارت کے زیر قبضہ جموں و کشمیرکے ضلع کپواڑہ کے علاقے کرالپورہ میں ایک بزرگ کی لاش برآمد ہوئی ہے جس کی شناخت نہیں ہو سکی ہے۔
کشمیرمیڈیاسروس کے مطابق ایک پولیس اہلکار نے میڈیا کوبتایا ہے کہ لاش کی شناخت کی جا رہی ہے۔
ادھر شمالی کشمیر سے تعلق رکھنے والے ایک کشمیری طالبعلم کو سرینگر کے ہوائی اڈے پر گرفتار کیا گیاہے۔ایک پولیس اہلکار نے دعویٰ کیا ہے کہ ہوائی اڈے پر ضلع بارہمولہ سے تعلق رکھنے والے طالب علم سید صداقت حسین کے سامان سے ایک پستول گولیاں برآمد ہونے پر اسے گرفتار کیاگیا ہے۔ صداقت سرینگر سے بھارت کے شہر چندی گڑھ جارہا تھا جسے پولیس کے حوالے کر دیاگیا ہے ۔
