آزاد کشمیر
وزیراعظم آزادکشمیر کی چوہدری غلام عباس کے مزار پر حاضری ،پھولوں کی چادر چڑھائی
راولپنڈی:وزیراعظم آزادکشمیر چوہدری انوارالحق نے رئیس الاحرار چوہدری غلام عباس کے مزار پر حاضری دی ، پھولوں کی چادر چڑھائی اور فاتحہ خوانی کی۔
کشمیرمیڈیاسروس کے مطابق وزیر اعظم آ زاد کشمیر کی تقریب میں آمد کے موقع پرسابق وزیراعظم آزادکشمیر سردار عتیق احمد خان نے ان کا استقبال کیا۔وزرا ء حکومت دیوان علی خان چغتائی اور چوہدری اظہر صادق بھی وزیراعظم کے ہمراہ تھے۔اس موقع پر پولیس کے چاق و چوبند دستے نے سلامی دی۔سیکرٹری سروسز و جنرل ایڈمنسٹریشن ظفر محمود خان نے تمام انتظامات کی نگرانی کی۔سیکرٹری اطلاعات و جنگلات انصر یعقوب ،سیکرٹری فزیکل پلاننگ و ہائوسنگ غلام بشیر مغل اور سیکرٹری کشمیر کاز ،لینگویجز اینڈ آرٹس وجاہت رشید بیگ بھی اس موقع پر موجود تھے۔
