بھارت
بھارت :کورونا وائر س سے 23افراد ہلاک
نئی دلی:
بھارت میں کورونا وائرس ایک با ر پھر تیزی سے پھیل رہا ہے اور گزشتہ 24گھنٹے کے دوران 6افراد مہلک وائرس سے ہلاک جبکہ 350سے زائد افراداس سے متاثر ہوئے ہیں۔
گزشتہ دو ہفتوں میں کورونا سے 23 افراد ہلاک ہو چکے ہیں۔بھارتی وزارت صحت کے اعدادوشمار کے مطابق بھارت میں گزشتہ 24 گھنٹوں کے دوران کورونا وائرس کے 358 کیسز سامنے آئے ہیں جن میں سے 300کا تعلق ریاست کیرالہ ست ہے۔ اس دوران کورونا وائرس سے 6 افراد کی موت ہوئی جن میں کرناٹک میں 2، پنجاب میں ایک اور کیرالا سے 3افراد شامل ہیں۔ اس وقت بھارت میں وائرس میں مبتلا افراد کی مجموعی تعداد 2669ہے۔اعلیٰ سرکاری عہدیداروں نے موسم سرما کے دوران کورونا وائر س کے مزید تیزی سے پھیلنے کا خدشہ ظاہر کیا ہے جبکہ گزشتہ دو ہفتوں میں مہلک وائرس سے23افراد کی ہلاکتوں کی تصدیق ہوئی ہے ۔
