بھارت
گجرات :سڑک کنارے نماز ادا کرنے پر مسلم ٹرک ڈرائیور گرفتار
احمد آباد:
بھارتی ریاست گجرات کے ضلع بناسکانٹھا میں پولیس نے ایک مسلم ٹرک ڈرائیور کو سڑک کے کنارے نمازادا کرنے پر گرفتار کرلیا ہے۔
پالن پورپولیس اسٹیشن کے ایک اہلکار نے میڈیا کو بتایا ہے کہ 37سالہ مسلم ٹرک ڈرائیوربچل خان کے خلاف سوشل میڈیا پر سڑک کے کنارے ٹرک کھڑ ا کر کے نماز ادا کرنے کی ویڈیو وائرل ہونے پر مقدمہ درج کیا گیا تھا۔ ویڈیو میں بچل خان کو پالن پور شہر کے قریب ایک سڑک پر نماز ادا کرتے ہوئے دکھایاگیا ہے ۔پولیس نے کارروائی کرتے ہوئے بچل خان کو گرفتار کرلیا ہے ۔
