مقبوضہ جموں و کشمیر
سرینگر: نامعلوم مسلح افراد کی فائرنگ میں ایک بھارتی شہری ہلاک
سرینگر:
غیر قانونی طور پر بھارت کے زیر قبضہ جموں و کشمیر کے گرمائی دارلحکومت سرینگر میں آج نامعلوم مسلح افراد کی فائرنگ میں ایک غیر کشمیری بھارتی شہری ہلاک اور ایک اور زخمی ہوگیا۔
کشمیرمیڈیاسروس کے مطابق بھارتی ریاست پنجاب کے شہر امرتسر کا رہائشی امرت پال سنگھ نامعلوم مسلح افراد کی فائرنگ میں ہلاک جبکہ ایک اور بھارتی شہری روہت ماشی شدید زخمی ہو گیا ۔ جسے تشویشناک حالت میں ایس ایم ایچ ایس ہسپتال سرینگر منتقل کر دیا گیا ہے۔بھارتی فوجیوں نے علاقے کامحاصرہ کر کے تلاشی کی کارروائی شروع کر دی ہے۔
