آپریشن سوئفٹ ریٹارٹ کے 5برس مکمل، بہادر پاک فوج کو شاندارخراج تحسین
اسلام آباد: آپریشن سوئفٹ ریٹارٹ کو 5 سال مکمل ہونے کے موقع پر بہادر پاک فوج کوشاندار خراج تحسین پیش کیا جارہا ہے جس نے 2019 میں آج کے دن بھارتی مہم جوئی کو اپنے عزم اور طاقت سے ناکام بنادیا تھا۔
کشمیرمیڈیاسروس کے مطابق 2019 میں آج کے دن پاک فضائیہ نے وطن عزیز کا کامیاب دفاع کرتے ہوئے پاکستانی فضائی حدود کی خلا ف ورزی کرنے والے بھارتی طیارے مار گرائے تھے اور بھارتی پائلٹ ابھی نندن کو گرفتار کر لیا تھا۔فوج کے شعبہ تعلقات عامہ کی طرف سے جاری ایک بیان میں کہا گیا ہے کہ 27فروری 2019 کو ہماری تاریخ کے ایک اہم واقعے کے طور پر یاد رکھا جائے گا جو پاکستان کے عوام کے عزم اور مسلح افواج کی پیشہ وارانہ مہارت کا بھارت کی جانب سے بلا اشتعال جارحیت کا جواب دینے کا عملی مظاہرہ تھا ، بھارتی اقدام کے پس پردہ سیاسی مقاصد اور انتخابی مفادات کا ر فرما تھے۔پاکستان کی مسلح افواج نے عزم ظاہر کیا ہے کہ پاکستان کے عوام ملکی خود مختاری اور علاقائی سا لمیت کے خلاف کسی بھی جارحیت کا بھرپور طاقت سے جواب دیا جائے گا۔
