بھارت
ہریانہ: اسکول بس الٹنے سے 6بچے ہلاک،متعدد زخمی
پرتاب گڑھ:بھارتی ریاست ہریانہ میں ایک اسکول بس سڑک پر الٹنے سے 6بچے ہلاک اور متعدد زخمی ہو گئے ہیں۔
کشمیرمیڈیاسروس کے مطا بق جی ایل پبلک اسکول کی بس گائوں مہندر گڑھ کے قریب سڑک پر الٹنے سے سکول کے 6بچے ہلاک اور متعدد زخمی ہو گئے ۔ بس پر تقریبا 40 بچے سوار تھے۔ زخمی بچوں کو قریبی ہسپتال منتقل کردیاگیا ہے ۔پولیس کے مطابق بس کو تیز رفتاری کی وجہ سے حادثہ پیش آیاہے۔ عینی شاہدین نے میڈیا کو بتایاہے کہ بس بے قابو ہو کر پہلے درخت سے ٹکرائی اور پھر الٹ گئی ۔15زخمی طلبا کو دوسرے ہسپتال منتقل کردیا گیا ہے۔
