مقبوضہ جموں و کشمیر
پلہالن میں دستی بم کے حملے میں بھارتی پیرا ملٹری کے دواہلکار اور ایک شہری زخمی
کشمیرمیڈیاسروس کے مطابق ضلع میں پٹن کے علاقے پلہالن میں دستی بم کے ایک دھماکے میں بھارتی پیراملٹری کے دو اہلکاروں سمیت کم از کم تین افراد زخمی ہو گئے۔ایک سینئر پولیس افسرنے بتایا کہ حملہ آوروں نے سی آر پی ایف کی ایک پارٹی پر دستی بم پھینکا جس سے دو اہلکار اور ایک شہری زخمی ہوگیا۔انہوں نے کہاکہ تمام زخمیوں کو علاج کے لیے قریبی اسپتال منتقل کر دیا گیا ہے۔بھارتی فورسز نے حملے کے فوراً بعد پورے علاقے کو محاصرے میں لیا اور حملہ آوروں کی تلاش شروع کردی ۔
