مقبوضہ جموں و کشمیر
شہید کشمیریوں کے اہلخانہ کا سرینگر میں مشعل بردار احتجاجی مظاہرہ
سرینگر 17 نومبر (کے ایم ایس)
بھارت کے غیر قانونی زیر قبضہ جموں وکشمیر میں بھارتی فوجیوں کے ہاتھوں شہید ہونیوالے کشمیری شہریوں شہید الطاف احمد بٹ اورشہید ڈاکٹر مدثر گل کے اہلخانہ نے سرینگر کے علاقے حیدر پورہ میں مشعل بردار احتجاجی مظاہرہ کیا۔
کشمیرمیڈیاسروس کے مطابق پریس انکلیو سرینگرمیں مظاہرین جنہوں نے ہاتھوں میں مشعلیں اٹھا رکھی تھیں فوجیوں کے ہاتھوں شہید ہونے والے الطاف بٹ، ڈاکٹر مدثر گل اور دیگر دو شہریوں کی میتوں کی واپسی کا مطالبہ کیا۔
