مقبوضہ جموں و کشمیر
کپواڑہ :جیل میں گیس سلنڈر دھماکے سے 9 قیدی زخمی
سری نگر: بھارت کے غیر قانونی زیر قبضہ جموں و کشمیر میں آج(بدھ) کپواڑہ جیل کے اندر گیس سلنڈر دھماکے سے کم از کم نو قیدی زخمی ہو گئے۔
کشمیر میڈیا سروس کے مطابق حکام نے جیل میں دھماکے سبب نو قیدیوں کے زخمی ہونے کی تصدیق کرتے ہوئے کہا کہ ان میں سے دو کی حالت تشویشناک ہے ۔پانچ شدید زخمیوں کو سری نگر کے ایک ہسپتال میں منتقل کیا گیا ہے۔ دھماکہ کھانا پکانے کے سلنڈر میں ہواہے۔ پولیس نے مزید تحقیقات کا آغاز کر دیا ہے
